Idi 1982, napanak a nakibalay kada iketko ken ni lolak iti bassit a talon ti prambuesas ti lima nga acre iti Port Orchard, Washington. Immakarak kadakuada ta pinaypaysok ti tulagmi kadaydi ulitegko. Sinasulsodennak no kayatko ti makibalay kada iketko no addanto ti mapasamak kaniana. Awan met la ti ammok maipapan iti patay gapu ta tallo wenno upat ti tawenko idi, isu nga immanamongak. Nagtudo daydi nga aldaw nga tartarikenna dagiti prambuesas sa iti nabiit nagpanpanateng. Natay iti pneumonia kadaydi a tawen.
Idi nagigyanak dita, kanayonak a saan a makagin-awa idiay baba ti balay. Nagsuksokan met daydi ulitegko ti baba nga nagbaybayag a nagbuybuya iti basketball idiay dakkel a TV-na a Zenith. Impangato ni iketko diay TV idiay sala idi naggigyanakon dita.
|
| Bassit a garrapon ti Vick's VapoRub |
Agbuybuyakami ni iketko iti TV daydi a rabii. Ni lolak met natnaturogen iti siledna. Ti malagipko ket agay-ayam dagiti Seattle Super Sonics, diay paborito daydi ulitegko. Intuno ti ngalay ti ayam, rimmuar ti napigsa nga angot ti Vick’s VapoRub a naggapu iti agdanan. Napigsa la unay ti banglona a kas la adda ti impaasideg ti garrapon iti agongko. (Idi damdamona nga nagsakit daydi ulitegko, inyagasda iti Vick's tapno makaanges.) Bayat a nagbayagen ti angot, timmakder gayam ti dutdot ti likod ti tengngedko. Ni Iketko met natamingna ti angot sa nagrugi a nagsao, ”Honey, naimbagkami met. Aginanaka koma. Agsublikan.” Apagleppasna ket nagawanen ti angot. Naturogkami a dagus a kas dagiti dadduma a rabii; saanmi pinalpas ti ayam.
Saanmi a paspasaray nagtungtungan ti napasamak. Agaliwangwangak ngem malagipko laeng nga imbaga ni iketko kenni lolak iti bigat. No kasasaomi ti kakabagianmi wenno gaygayyemmi, paspasaray isu ti nagsaritaanmi. Gapu ta ubingak, saanko a naawatan ti napasamak. Ngem, idinto nakapadasak iti agparpareho a datdatlag, limmaing ti panagawatko itan.
Agsipud ta adda pamuidanda, agbati ti kararua no dadduma. Ti kaudian a biangna idi natay ket dagiti {berries}; baka isu ti pamuidan. Isu nga agbati idiay naipangpangrunana a paset ti balay: diay baba. Immuli daydi a rabii ta addan dita ti TV-na ken agbuybuyakami ti paboritona nga ay-ayam.
Manipud idi pimmanawakon, nangegko pay ti pagistoriaan maipanggep ti kaaddana, aglalo idiay baba. Idi nagasawan manen ni iketko ket kinita ti asawana diay baba - silulukat gayam amin a silaw, ngem awan met la ti bimmaba. Maysa a kasinsinko, idi nagigyanda idiay, ket impadamagna ken ni nanangna nga addansa ti bimmaba a kalbo a lakay a gumatang iti prambuesas. Naasdaw met ni nanangna ta naghusto ti imbagana iti itsura daydi ulitegko. Dayta a kasinsin manen ket nakakita idi minsan pay iti lakay, nakakallugong ken naka-overall, a simrek idiay battit a balay ti bomba nga akinigid ti pusawan nga asideg ti balayda. Idi maysa a Thanksgiving, adda a nakakita a kabagianko iti itsurana daidi ulitegko a nakiabay kaniana iti dakkel a sarming.
Nabayagen nga awan ti nangegko a nakakita kaniana kadagitoy a tawen. Sapay koma ta aginanan ti kararuana iti kappia.
No comments:
Post a Comment